بنشتري عربيتك… وبتستلم فلوسك في نفس اليوم
سوق العربيات المستعملة اللي تقدر تثق فيه
تأسست Motive علشان تخلي تجربة بيع وشراء العربيات المستعملة في مصر أسهل، أوضح وأكثر أمانًا.
العربيات المملوكة لـMotive بنشتريها بأموالنا بعد فحص احترافي شامل، وبنوضّح حالتها ونتيجة فحصها قبل اتخاذ قرار الشراء. أما العربيات المعروضة مباشرةً من أصحابها، فبتظهر بتصنيف واضح يخلّيك تعرف مصدر كل عربية قبل التواصل.
معلومات واضحة، اختيارات موثوقة وقرار شراء وأنت مطمّن.
MOTIVE — سهلناها عليك
بدأنا من مشكلة حقيقية… وقررنا نسهّلها
بيع أو شراء عربية مستعملة في مصر ممكن يكون تجربة مرهقة؛ مكالمات كتير، مواعيد غير جادة، تفاوض طويل ومعلومات مش دايمًا واضحة عن حالة العربية.
علشان كده أسسنا Motive بخبرة كبيره في مجال السيارات المستعملة؛ علشان نقدّم تجربة أبسط وأكثر شفافية. بنقيّم عربيتك، نفحصها ونشتريها منك مباشرةً، وبنعرض العربيات المملوكة لـMotive بعد فحص احترافي شامل وتوضيح حالتها بكل وضوح.
خبرة حقيقية، فحص دقيق وتجربة تقدر تثق فيها.
MOTIVE — سهلناها عليك
٣ مبادئ مش بنتنازل عنها
الشفافية
تقرير الفحص بيتعرض كامل — بالعيوب قبل المميزات. لو فيه حاجة في العربية، هتعرفها مننا إحنا مش من الميكانيكي بعد الشرا.
الجودة
مش كل عربية بنشتريها. اللي بتسقط في الفحص مش بتوصل للمعرض أصلاً، عشان اللي معروض قدامك يكون مفلتر فعلاً.
السرعة
تقييم في نفس اليوم، وفلوسك فور الاتفاق. من غير "تعالى بكره" ولا مماطلة في السعر.
من طلبك لحد ما العربية تتسلّم
التقييم
بنراجع بيانات عربيتك وسوق الموديل ده دلوقتي، وبنرجعلك بتقييم مبدئي في نفس اليوم غالبًا.
الفحص الشامل
فنيين ومهندسين بيفحصوا العربية أكتر من ١٠٠ نقطة ويطلّعوا تقرير مكتوب — نفس التقرير اللي المشتري بيشوفه.
تفاصيل الفحص ←البيع والتسليم
بنخلّص نقل الملكية وكل الورق، وبنسلّم العربية لصاحبها الجديد بتقريرها وسعرها الواضح.
الفرق مش في السعر بس
طرف واحد مسؤول
مفيش سمسار في النص ومفيش "الراجل ده مش أنا". بتتعامل مع شركة ليها اسم وعنوان.
تقرير فحص مكتوب
كل عربية معروضة معاها تقريرها. تقراه براحتك قبل ما تيجي أصلاً.
سعر واحد واضح
السعر المكتوب هو السعر. مفيش رسوم مخفية ولا عمولة بتظهر في الآخر.
الورق علينا
نقل الملكية وإجراءات المرور بنمشّيها معاك من غير ما تاخد أجازة من شغلك.
عايز تتكلم معانا؟
سواء عندك سؤال، أو عربية عايز تبيعها، أو حابب تشتغل معانا — إحنا موجودين.