→ كل الوظائف
وظيفة متاحة
Inspection Engineer
مهندس فحص
بيراجع تقارير الفحص، وبيحسم الحالات الصعبة، وبيترجم حالة العربية لقرار شرا وسعر.
Inspection
دوام كامل
القاهرة
فرصتين
نبذة عن الدور
دور إشرافي وفني في نفس الوقت. هتراجع تقارير فريق الفحص، وتحسم الحالات الصعبة بنفسك، وتترجم حالة العربية لقرار واضح: نشتريها بكام، وإيه اللي محتاج يتصلّح قبل ما تتعرض. التقرير اللي بيطلع باسمنا بيتحطّ عليه اسمك.
مسؤولياتك
- مراجعة واعتماد تقارير الفحص قبل ما تتنشر على الموقع.
- إعادة فحص الحالات الصعبة أو المتضاربة بنفسك.
- تقدير تكلفة الإصلاحات المطلوبة والمشاركة في قرار السعر.
- تطوير وتحديث تشيك ليست الفحص وتدريب الفنيين عليها.
- متابعة جودة شغل الفريق ورفع تقارير دورية للإدارة.
اللي محتاجينه فيك
- بكالوريوس هندسة ميكانيكا أو سيارات (أو ما يعادلها).
- ٥ سنين خبرة على الأقل في فحص أو صيانة السيارات، منها سنتين إشرافية.
- فهم عميق لأنظمة السيارة الحديثة وأنظمة الأمان.
- قدرة على كتابة تقارير فنية واضحة يفهمها غير المتخصص.
- رخصة قيادة سارية.
ليه تشتغل معانا
- مساحة حقيقية تبني بيها معايير الفحص من الأول.
- فريق فني تحت إدارتك وميزانية أدوات.
- قرارك الفني بيأثر مباشرة على قرارات الشركة.