سياسة الخصوصية
آخر تحديث: 27/10/2026
Motive (الموقع motiveg.com والأبلكيشن) بيساعدك تبيع أو تشتري عربية. الصفحة دي بتقول إحنا بناخد منك بيانات إيه، وبنستخدمها في إيه، ومين بيشوفها، وإزاي تمسحها.
البيانات اللي بناخدها
- بيانات الحساب: اسمك ورقم موبايلك، والإيميل لو كتبته.
- بيانات العربية: الماركة والموديل والسنة والكيلومترات والسعر اللي عايزه، والصور اللي بترفعها.
- اللي بتعمله على Motive: العروض والمزايدات والرسايل مع الفريق أو المشتري، ومواعيد الفحص.
- بيانات الجهاز: نوع المتصفح، والكوكيز اللي بتخلّيك داخل على حسابك، واشتراك الإشعارات لو شغّلتها.
مش بناخد بيانات كارت البنك، ومش بنوصل لمكانك ولا لجهات الاتصال ولا للكاميرا غير لما إنت تختار صورة ترفعها.
بنستخدمها في إيه
- نعمل حسابك وندخّلك بكود يوصلك على الموبايل أو الإيميل.
- نسعّر عربيتك ونرتب الفحص ونعرضها للمشترين.
- نبلغك بالعروض والمزايدات والرسايل الجديدة.
- نحمي الحسابات ونمنع الاستخدام الغلط.
- نقيس الإعلانات اللي بتجيب ناس للموقع.
مين بيشوف بياناتك
- فريق Motive: عشان يكلمك ويخلّص البيعة أو الشراء.
- المشتري أو التاجر: بيشوف بيانات العربية وصورها بس. رقمك مش بيظهر له غير لما إنت توافق على العرض.
- شركات بتشغّل الخدمة معانا: شركة الرسايل اللي بتبعت كود الدخول، وMeta لقياس الإعلانات، وشركة الاستضافة وحماية الموقع. كل واحدة بتاخد اللي محتاجاه بس.
مش بنبيع بياناتك لحد.
بنحتفظ بيها قد إيه
طول ما حسابك موجود. لما تطلب مسح الحساب بنمسح بياناتك، وبنحتفظ بس باللي القانون بيطلبه زي فواتير البيع والشراء.
حقوقك
- تشوف بياناتك وتعدّلها من «حسابي».
- توقّف الإشعارات من «حسابي» أو من إعدادات الموبايل.
- تطلب مسح حسابك وبياناتك من صفحة مسح الحساب.
الأطفال
Motive للناس اللي سنهم 18 سنة وأكبر.
كلّمنا
لأي سؤال عن بياناتك: واتساب +20 11 3128 2831 أو تليفون +20 150 150 1031.
